TINE har i 2017 starta ei kartlegging av sporedannande bakteriar i geitmjølk. Desse bakterietypane kan gi alvorlege kvalitetsfeil i ferdige produkt, både i ost og konsummjølk.
Fram til no er sporeinnhaldet berre målt i kumjølk og har vore ein del av kvalitetsbetalingssystemet for kumjølk i fleire år.
TINE registrerer at sporeproblemet er aukande og vraking av mjølk og ferdige produkt grunna sporeproblem er svært kostbart. Industrien ynskjer naturleg nok å få oversikt over tilstanden m.o.t sporeinnhald også i geitmjølka..
Analysene som no vert gjort av sporer i geitmjølk er eit kartleggingsarbeid og vi presiserer at analysene ikkje gir konsekvensar for kvalitetsbetalinga.
Det er heller ikkje planar om at sporeanalyser skal inngå som ein del av kvalitetsbetalingsystemet i 2018. Kartlegginga av sporenivået i geitmjølk og konsekvensane for produktkvaliteten vil vere grunnlag for å gjere slike vurderingar seinare.
I vedlagte artikkel kan du lese om:
- Kva er sporar ?
- Konsekvensar for produktkvalitet
- Tiltak for å unngå sporar
- Analysemetodar og plan for prøvetaking i geitmjølk